सर्लाहीको हरिपुर्वा नगरपालिकामा अज्ञात समूहद्वारा गरिएको गोली प्रहारमा ४० वर्षीय रामपुकार यादवको ज्यान गएको छ। गोली लागेर गम्भीर घाइते भएका यादवलाई उपचारका लागि अस्पताल लगिएको थियो, तर चिकित्सकले उनलाई मृत घोषणा गरेका हुन्। घटनाले स्थानीय क्षेत्रमा त्रास फैलिएको छ।
प्रहरीले घटनाको अनुसन्धान सुरु गरिसकेको छ र आक्रमणकारीको खोजी कार्य तीव्र पारिएको जनाएको छ। घटनास्थलबाट केही प्रमाण संकलन गरिएको बताइएको छ भने सुरक्षालाई ध्यानमा राख्दै क्षेत्रको निगरानी कडा बनाइएको छ। प्रहरीले स्थानीयको सहयोगमा घटना सम्बन्धी सूचना संकलन गरिरहेको छ।
३० साउन २०८२, शुक्रबार ११:०९ मा प्रकाशित
